شرميلا هاشمي

شرميلا هاشمي يوه مدني فعاله او ژورنالسته ده او په ۱۹۸۷ کال کې په هرات کې زېږېدلې ده. هغې د ژورنالېزم او حقوقو – سياسي علومو په برخو کې زدکړې کړې او له ۲۰۰۶ کال راهيسې يې له ګڼو نړيوالو او کورنيو بنسټونو سره د خبريالې، څېړونکې، ژباړنې، پروډيوسرې او د پروژې د مديرې په توګه دندې اجرا کړې دي.

شرميلا په ۲۰۰۹ کال کې په هرات کې د افغان خبريالانو د مرکز په نوم خپل بنسټ پرانيست او له افغانستان څخه تر راوتلو پورې يې له نورو ځوانو خبريالانو سره په ګډه د ديموکراسۍ د ملاتړ، د بيان آزادۍ او په رسنيو کې د ښځو د ګډون په برخو کې بېلابېلې پروژې اجرا کړې دي. هغه له ۲۰۱۴ کال راهيسې په جرمني کې ژوند کوي او د ژبې له زدکړې وروسته يې بېرته د خبريالې په توګه خپل فعاليت پیل کړی دی.

اوس مهال شرميلا د هنډبوک جرمني د فارسي څانګې مسؤوله ده او له Amal Berlin، Süd Deutsche Zeitung او Chrismon Magazin  سره هم د ليکوالې په توګه همکاري کوي.

د شرميلا موخه ټولو فارسي‌ژبو ته په مورنۍ ژبه د مالوماتو وړاندې کول او مالوماتو ته په مساوي توګه د ټولو لاسرسی دی.